The United Nations in Uzbekistan

Birlashgan millatlar tashkilotining O'zbekistondagi vakolatxonasi O'zbekiston 1992 yil 2 mart kuni Birlashgan millatlar tashkilotiga mustaqil suveren davlat sifatida a’zo bo'ldi. Shundan bir yil o'tib, BMT Toshkentda o'z vakolatxonasini ochdi. Ushbu vakolatxona hozirda 25 ta agentlik, jamg’arma va dasturlardan iborat bo'lib, ular mamlakatni Barqaror rivojlanish maqsadlari hamda 2030 yilgacha mo'ljallangan rivojlanishning milliy ustuvor yo'nalishlariga muvofiq shakllantirishda ko'maklashmoqda.

2025 yil 24 oktyabr kuni O‘zbekiston Respublikasi Hukumati va Birlashgan Millatlar Tashkiloti 2026–2030 yillarga mo‘ljallangan BMT Barqaror Rivojlanish sohasidagi Hamkorlik Dasturini imzoladilar.

Yangi Hamkorlik Dasturining maqsadi — inson taraqqiyotini ilgari surish, tengsizlikni kamaytirish va jamiyatdagi har bir inson taraqqiyot samarasidan bahramand bo‘lishini ta’minlashdir. Keyingi besh yil davomida ushbu Dastur O‘zbekistonning milliy rivojlanish ustuvor yo‘nalishlarini qo‘llab-quvvatlovchi 25 ta BMT agentliklari, jamg‘armalari va dasturlarining faoliyatini muvofiqlashtirib boradi.

Hamkorlik Dasturida oltita asosiy yo‘nalish belgilangan:

Samarali boshqaruv va adolat;
Munosib turmush va ijtimoiy himoya;
Sifatli sog‘liqni saqlash va farovonlik;
Inklyuziv va teng imkoniyatli ta’lim;
Iqlim o‘zgarishiga qarshi chora-tadbirlar va ekologik barqarorlik;
Orolbo‘yi mintaqasining kompleks rivojlanishi.

Birlashgan Millatlar Tashkiloti kunida o‘tkazilgan imzolash marosimi BMT Nizomi qabul qilinganligining yilligi munosabati bilan o‘tkazildi hamda O‘zbekiston va BMT o‘rtasidagi mustahkam hamkorlik va do‘stlik aloqalarini yana bir bor tasdiqladi.

Muhim bosqichlar

2019-2020 yillar

Fuqarolik jamiyatining ishtiroki – Birlashgan millatlar tashkiloti milliy sheriklar bilan birgalikda Hamkorlik kelishuvini shakllantirish bo'yicha ko'p tomonlama maslahatlashuvlar va BMT75 tashabbusi doirasida fuqarolik jamiyati dialoglarini o'tkazdi.

Fevral 2020 yil

Parlament nazorati – Hukumatning Milliy barqaror rivojlanish maqsadlariga erishish yo’lidagi harakatlarni kuzatish maqsadida ikki palatali parlament komissiyasi tuzildi.

Mart 2020 yil

JSST Sog'liqni saqlash vazirligi bilan hamkorlikda O'zbekistonda COVID-19 ga qarshi kurashishni qo'llab-quvvatlash uchun Milliy sog'liqni saqlash strategik tayyorgarlik rejasini ishlab chiqdi.

May 2020 yil

BMT tarkibidagi 16 ta tashkilot va 6 ta bankni birlashtirgan COVID-19 ijtimoiy-iqtisodiy oqibatlariga qarshi kurashish uchun 3.4 milliard dollarlik dastur taqdim etildi.

Iyul 2020 yil

O'zbekiston Barqaror rivojlanish maqsadlariga erishish yo’lidagi Ixtiyoriy milliy sharhni taqdim etdi.

Iyun 2021 yil

O'zbekiston hukumati Birlashgan millatlar tashkilotining Imkoniyati cheklangan insonlar huquqlari to'g'risidagi konvensiyasini ratifikatsiya qildi. BMTning O'zbekistondagi vakolatxonasi Konvensiya ratifikatsiya qilinishi va imkoniyati cheklangan insonlar huquqlari ta’minlanishi yo’lida doimiy ravishda texnik va moliyaviy yordam ko'rsatib keldi.

Iyun 2021 yil

O'zbekiston hukumati ayollar va qizlarning jamiyatdagi rolini oshirish va ularga teng imkoniyatlar taqdim etilishini kafolatlash maqsadida “Gender tengligi milliy strategiyasi” ni tasdiqladi.

Iyul 2021

O'zbekiston Respublikasi London fond birjasida 870 million dollarga teng Barqaror Rivojlanish Maqsadlari obligatsiyalarini joylashtirdi. Ushbu obligatsiyalardan tushgan mablag'lar Milliy Barqaror Rivojlanish Maqsadlarini moliyalashtirishga yo'naltiriladi.

1 / 8

O'zbekistonda Barqaror Rivojlanish Maqsadlari

Barqaror rivojlanish sohasidagi maqsadlar Yer yuzida qashshoqlikka barham berish, atrof-muhit va iqlimni himoya qilish hamda dunyodagi barcha kishilar tinchlik va ravnaq topishdan bahramand bo‘lishini ta’minlash bo‘yicha global miqyosda harakat qilishga da’vatdir. BMT O‘zbekistonda amalga oshirish uchun harakat qilayotgan maqsadlar: