Doimiy vakil idorasi
BMTning doimiy vakil idorasi BMTning mamlakatdagi jamoasini boshqaradi hamda kelishilgan barqaror rivojlanish maqsadlariga erishish uchun BMT tizimini hukumat, parlament, fuqarolik jamiyati va xususiy sektor bilan hamkorlik chog‘ida tamsil qiladi.
Doimiy vakil idorasi BMTning “Hamkorlik borasidagi hadli dasturi”ni (ilgarigi UNDAF) ishlab chiqish, joriy va monitoring qilish va u bo‘yicha hisob berishda hamda O‘zbekistondagi 2030-yilgacha bo‘lgan kun tartibi bilan bog‘liq barcha qo‘shma tadbirlarda doimiy muvofiqlshtiruvchini va BMTning mamlakatdagi jamoasini qo‘llab-quvvatlaydi.
BMTning doimiy muvofiqlashtiruvchisi idorasi 5 ta asosiy vazifani bajaradi:
- strategik rejalashtirish;
- iqtisodiyot;
- hamkorlik va rivojlanishni moliyalash;
- ma’lumotlar va natijalarni boshqarish, hisobdorlik;
- kommunikatsiya va ma’rifiy faoliyat.
BMTning O‘zbekistondagi doimiy koordinatori
Sabine Mahl Birlashgan Millatlar Tashkilotining O‘zbekiston Respublikasidagi doimiy koordinatori sifatida 2024-yil 1-iyunda o‘z vazifasini bajarishga kirishdi.
Ushbu tayinlovga qadar doktor Sabine Mahl 2019-yil iyunidan 2024-yil mayigacha BMTning Gruziyadagi doimiy koordinatori lavozimida ishlagan.
Sabine Mahl 22 yildan ortiq vaqt davomida xalqaro tashkilotlarda faoliyat olib borgan. Jumladan Indoneziya, Falastin va Qirg'izistonda BMT Ayollar vakolatxonasi rahbari, Janubi-Sharqiy Osiyo davlatlari uyushmasi bilan hamkorlik masalalari boʻyicha maslahatchi vazifasida ishlagan.
2007-2011 yillarda Sabine Mahl Yevropada Xavfsizlik va Hamkorlik Tashkilotini (YXHT) Gaagadagi etnik ozchiliklar bo‘yicha Oliy komissarining sobiq Sovet Ittifoqi mamlakatlarini qamrab oluvchi bo‘limi rahbari/katta maslahatchisi bo‘lgan.
2005-2007 yillarda Qirgʻizistonda YeXHTning Bishkekdagi markazi rahbari oʻrinbosari va ushbu tashkilotning bosh qarorgohida mojarolarning oldini olish markazida Markaziy Osiyo bo‘limi boshlig‘i lavozimida ishlagan.
2001 yil davomida Sabine Mahl YeXHTning Estoniyadagi missiyasi rahbari o‘rinbosari lavozimiga faoliyat olib borgan va 2000 yilda Avstriyaning YXHTga raisligi davrida u Avstriya doimiy vakolatxonasining birinchi kotibi bo‘lgan. U shuningdek, Avstriya Tashqi ishlar vazirligining Siyosiy boʻlimida Janubi-Sharqiy Yevropa boʻlimi boshligʻi, Yevropa Parlamentida, Venadagi uchta turli sudlarda va Kroydon/Londonda oʻqituvchi boʻlib ishlagan.
Sabine Vena universitetida ikkita magistr (huquq va tillar) va huquq fanlari doktori darajasiga ega. Sabine Mahl nemis (ona tili), ingliz, rus va frantsuz tillarini yaxshi biladi. Oilali, ikki o‘g‘li bor.
