Bizning O'zbekistondagi jamoamiz

Yu Yu

Yu Yu

BMTAJ
Representative
 
Janob Yu Yu 2021-yil iyulida vaqtinchalik BMTning O‘zbekistondagi doimiy vakili vazifasini bajarishga kirishdi. Yu BMTning Aholishunoslik jamg‘armasida (UNFPA) 17 yillik mehnat tajribasiga ega va 2019-yil 29-avgustida UNFPAning O‘zbekistondagi vakili / Tojikistonda mamlakat bo‘yicha direktor etib tayinlanishidan oldin UNFPA’ning Zimbabvedagi (5 yil) va Pokistondagi vakili (4 yil) bo‘lib ishlagan, UNFPA’ning KXDR va Koreya Respublikasidagi bo‘limi boshlig‘i (5 yil), Xitoydagi UNFPA dasturlari bo‘yicha milliy xodim (3 yil) bo‘lgan. U UNFPA’ga ishga o‘tguniga qadar Xitoy Savdo vazirligida mehnat qilgan. Janob Yu Yu London universitetining davlat siyosati va boshqaruvi sohasidagi magistri hamda Pekin Xalqaro biznes va iqtisodiyot universitetining iqtisodiyot sohasidagi magistri darajasiga ega.
Muhidov

Abdurahim Muhidov

UNDRR
Markaziy Osiyo bo‘yicha mintaqaviy muvofiqlashtiruvchi
Janob Muhidov barqaror rivojlanish, tabiiy ofatlar xavfini kamaytirish, tabiiy ofatlar oqibatlarini tugatish hamda Janubiy Kavkaz va Markaziy Osiyo mintaqalarida ularga tayyor turishni ta’minlash sohasida, shuningdek, BMTning Tabiiy ofatlar xavfini kamaytirish bo‘yicha xalqaro strategiyasi, Gumanitar masalalarni muvofiqlashtirish boshqaramasi va Global kommunikatsiyalar departamentida ishlash bo‘yicha 27 yillik tajribaga ega. U o‘sha erlarda dasturlarni boshqarish, sektorlararo muvofiqlashtirish va resurslarni safarbar qilish, potentsialni oshirish, shaharlar barqarorligi va mitaqaviy muvofiqlashtirish bo‘yicha tajriba orttirdi.
Aidai UNEP

Aidai Kurmanova

BMTAMD
Markaziy Osiyo bo'yicha mintaqaviy ofis boshlig'i
 
Kurmanova xonim 2019 yil 2 fevralda Olmaotadagi Markaziy Osiyo vakolatxonasi rahbari sifatida ish boshladi. U rivojlanayotgan mamlakatlarning 21 yillik tajribasi, shu jumladan Qirg'iziston Respublikasi Iqtisodiyot vazirligining davlat kotibi lavozimidagi besh yillik tajribasiga ega. Uning malakasi barqaror iqtisodiy rivojlanish, siyosatni ishlab chiqish, amalga oshirish, monitoring va baholashni o'z ichiga oladi. U hukumatlararo siyosat va protseduralarni ishlab chiqish, yaxlit iqtisodiy o'sish strategiyasini amalga oshirish va xalqaro donorlik siyosati va protseduralarini har tomonlama tushunishda tajribaga ega. Kurmanova xonim Yaponiya Xalqaro Universitetining rivojlanish iqtisodiyoti bo'yicha magistr darajasiga va Qirg'iziston Respublikasi Prezidenti huzuridagi Boshqaruv akademiyasining davlat boshqaruvi bo'yicha MPA darajasiga ega.
Ashita Mittal

Ashita Mittal

BMTGJB
Markaziy Osiyo mintaqasidagi vakil
Mittal xonim 21 yildan oshiq vaqtdan beri BMTning Narkotiklar va jinoyatchilikka qarshi kurash boshqarmasida (NJQKB) ishlab kelmoqda. U hozirgi lavozimida ish boshlashidan oldin 2009-yildan 2014-yilga qadar BMTning Afg‘onistondagi NJQKB vakili o‘rinbosari vazifasini badjaruvchi va o‘rinbosari bo‘lib ishlagan. 1995 – 2009-yillarda Janubiy Osiyo bo‘yicha mintaqaviy idorada BMTning NJQKB vakili o‘rinbosari lavozimida mehnat qilgan. Undan oldin esa Hindistonda Jahon oziq-ovqat dasturida oziq-ovqat xavfsizligi bo‘yicha ishlagan. BMTda ish boshlashidan avval Hindistonda narkomaniyaning oldini olish, davolash va reabitilitatsiya qilish masalalari bo‘yicha fuqarolik jamiyati bilan yaqindan hamkorlik qilgan va ushbu sohadagi novatorlik yondashuvlari sabab mashhurlikka erishgan (1985 – 1993). Mittal xonim Hindistoninng Dehli universitetida psixologiya sohasida magistrlik va ijtimoiy faoliyat sohasida magistrlik darajasini olgan. Yana u AQShdagi Fulbrayt dasturining (1989 – 1990) stipendiati bo‘lgan.
Azizkhon Khankhodjaev

Azizxon Xonxo‘jaev

XMT
Milliy muvofiqlashtiruvchi
 
Janob Xonxo‘jaev XMT jamoasiga kelib qo‘shilishidan oldin 15 yil davomida xalqaro rivojlanish tashkilotlari bilan yaqindan hamkorlik qilgan. Xususan, u O‘zbekistonda ilk tahlil markazi – Iqtisodiy tadqiqotlar markazini (ITM) tashkil etish va institutsional rivojlantirish bo‘yicha BMTTD va O‘zbekiston hukumatinng qo‘shma loyihasida qatnashgan. Janob Xonxo‘jaev Jahon iqtisodiyoti va diplomatiyasi universitetidan siyosatshanoslik bakalavri va Toshkent davlat iqtisodiyot universitetidan xalqaro iqtisodiyot magistri darajasini olgan.
Charos UNAIDS

Charos Maqsudova

BMTOITS
Mamlakat ofisi rahbari
Maqsudova xonim mehnat faoliyatini 2000-yilda O‘zbekiston Ishbilarmon ayollar uyushmasida boshlagan. 2007-yilda UNAIDS jamoasiga kelib qo‘shildi, 2008-yilda esa dasturning ma’muriy xodimi sifatida ishini davom ettirdi. 2017-yilda O‘zbekistonda UNAIDS ofisi yopilgandan so‘ng ishi Bishkekka ko‘chirildi hamda u Qirg‘iziston va Tojikiston uchun hamjamiyatlarni qo‘llab-quvvatlash va gender masalalari bo‘yicha dastur xodimi etib tayinlandi. Maqsudova xonim 2001-yilda Toshkent davlat iqtisodiyot universitetini bitirgan. U xalqaro iqtisodiy faoliyat bo‘yicha magistrlik darajasi va xalqaro iqtisodiy munosabatlar bo‘yicha bakalavr darajasiga ega.
Freya UNOPS

Freya fon Groot

BMTLXKB
UNOPSning Avstriyadagi ko'p mamlakatli vakolatxonasi direktori, O'zbekistondagi doimiy vakili
 
Fon Groot xonim BMT, hukumatlararo va nohukumat sektorlarida 20 yillik tajribaga va rahbarlikka ega. U Gruziya, Armaniston, Liberiya / G'arbiy Afrika, Iroqda va Venada va Nyu-Yorkdagi shtab-kvartirada ishlagan, rivojlanish, gumanitar va sheriklik loyihalarining keng portfelini boshqargan. Uels universiteti xalqaro siyosat iqtisodiyoti magistri va Dublin shahridagi Trinity kollejining tarix va rus tillari bo'yicha bakalavr darajasiga ega.
Hans Friedrich Schodder

Hans Friedrich Schodder

BMTQOK
Markaziy Osiyo bo‘yicha mintaqaviy vakili
Janob Schodder BMT Qochqinlar bo‘yicha oliy komissari boshqarmasining (QBOKB) Markaziy Osiyodagi vakili lavozimiga 2020-yil sentabrida kirishdi. U QBOKBda deyarli 30 yil, jumladan, BMT QBOKBning Serbiyadagi vakili (2015 – 2020), Hindistondagi BMT QBOKB missiyasi rahbarining o‘rinbosari (2012 – 2015), Suriya inqirozi vaqtida favulodda vaziyatlar bo‘yicha katta muvofiqlashtiruvchi (2014), Qirg‘izistondagi vakil (2008 – 2012), Shri-Lanka, Sudan va Ukrainada himoya bo‘yicha katta zobit (2001 – 2008), BMT QBOKBning EXHT bilan aloqalari bo‘yicha katta zobit (1996 – 2001) bo‘lib, shuningdek, Viyetnam va Honkongda dala sharoitida (1991 – 1996) ishlagan. Janob Schodder Buyuk Britaniyaning London shahridagi Sharq va va Afrika tadqiqotlari maktabini bitirgan.
Jean-Philippe Rodde

Jan-Filipp Rodde

BMTSTB
Iqtisodiy ishlar bo'yicha mutaxassis
 
Janob Rodde Birlashgan Millatlar Tashkilotining Savdo-sotiq va rivojlanish bo‘yicha komissiyasi (UNCTAD) Jenevadagi shtab-kvartirasida 15 yildan ortiq tajribaga ega bo'lib, BMT tizimining izchillik islohoti doirasida idoralararo hamkorlikka e'tibor qaratgan. Avvalgi tajribasi Xalqaro savdo markazi (UNCTAD / WTO) va Evropa Iqtisodiy Komissiyasini (UNECE) ham o'z ichiga oladi. U Parijdagi Sorbonna Universitetining Xalqaro aloqalar bo'yicha diplomiga ega.
Lianne Kuppens

Lianne Kuppens

JSST
Vakolatxona rahbari
Doktor Kuppens JSSTning O‘zbekistondagi vakili sifatidagi faoliyatini 2017-yil yanvarida boshlagan. U BMT tuzilmasi, jumladan, JSST, YuNISEF, BMTTD va GMMBda 20 yildan oshiq ish tajribasiga ega. Afrika va Janubi-Sharqiy Osiyoning bir necha mamlakatlari, shuningdek, daromad darajasi past va o‘rtacha bo‘lgan mamlakatlardaxalqaro tashkilotlarning bosh qarorgohlari darajasida va favqulodda vaziyatlarda ishlagan. Hozirgi lavozimiga o‘tgunga qadar Bangladeshda YuNISEFning sog‘liqni saqlash va ovqatlanish masalalari bo‘yicha rahbari (2012 – 2016), Syerra-Leoneda YuNISEFning sog‘liqni saqlash, OIV, ovqatlanish, suv ta’minoti, sanitariya va gigiyena masalalari bo‘yicha rahbari (2010 – 2012), Myanmada BMTD/GMMBning klasterlararo muvofiqlashtiruvchisi (2008 – 2010) va Myanmada JSSTning OIV hamda favqulodda vaziyatlarga javob qaytarish va tayyor turish choralari bo‘yicha mamlakatdagi muvofiqlashtiruvchisi (2006 – 2010) bo‘lgan. Doktor Kuppens Niderlandiyaning Neymegen universitetida tibbiyot xodimi hamda ijtimoiy sog‘liqni saqlash va epidemiologiya sohasida magistrlik (Antverpen, Belgiya) darajalariga ega.
Matilda Dimovska

Matilda Dimovska

BMTTD
Doimiy vakil
Dimovska xonim 2019-yil martida BMTTDning O‘zbekistondagi doimiy vakili vazifasini bajarishga kirishdi. U bundan oldin, 2016-yil iyulidan boshlab BMTTDning Istanbuldagi Yevropa va MDH uchun mintaqaviy markazida mamlakatlardagi idoralar guruhini qo‘llab-quvvatlash guruhiga rahbarlik qilgan. Yana Turkiyada BMTTD doimiy vakilining o‘rinbosari (2012 – 2016), Moldovada BMTTD doimiy vakilining o‘rinbosari (2008 – 2012) va Gruziyada BMTTD doimiy vakilining yordamchisi (2006 – 2008) bo‘lib ishlagan. BMTTDga ishga o‘tishdan oldin Venada BMTning Sanoatni rivojlantirish tashkilotida Investitsiyalarni rag‘batlantirish xizmati vakili, shuningdek, Shimoliy Makedoniya Respublikasida xususiylashtirish bo‘yicha agentligi va Skopyedagi xususiy sektorda faoliyat yuritgan. Dimovska xonim Skopyedagi “Avliyolar Kirill va Mefodiy” universitetida iqtisodiy siyosat va taraqqiyot sohasida magistrlik darajasini olgan.
Munir Mammadzade

Munir Mammadzade

UNICEF
Vakolatxona rahbari
Janob Mammadzoda YuNISEFning O‘zbekistondagi vakolatxonasi rahbarligi lavozimiga 2020-yil avgustda kirishdi. Bundan oldingi uch yil davomida YuNISEFning Qirg‘izistondagi vakili o‘rinbosari bo‘lgan, u yerda dasturlarni muvofiqlashtirish guruhi rahbari sifatida ham tashkilotning o‘zida, ham Qirg‘izistondagi BMT tizimi doirasida dasturlarga rahbarlik qilgan va sektorlararo faoliyat yuritgan. U YuNISEFning Ozarbayjon, Moldova va Nepaldagi mamlakat ofislarida, shuningdek, Yevropa va Markaziy Osiyo mamlakatlari uchun mintaqaviy ofisida ishlagan. Janob Mammadzoda YuNISEFda ish boshlashdan avval turli sohalarda mehnat qilgan, Ozarbayjonning yirik nodavlat yoshlar tashkiloti ijrochi direktori, Inson huquqlari bo‘yicha ombudsmen ofisida xalqaro bo‘lim boshlig‘i bo‘lgan. U Moskva davlat ochiq universitetini bitirgan va Shveytsariyadagi Friburg universitetining bolalar huquqlari bo‘yicha ilg‘or dasturi magistri darajasiga ega.
Nikolay Pomoshchnikov

Nikolay Pomoshchnikov

BMTOTOIK
BMTOTOIK Shimoliy va Markaziy Osiyo bo'yicha mintaqaviy idorasining mas'ul xodimi
 
Janob Pomoshchnikov Favqulodda va muxtor elchi (ikkinchi darajali) diplomatik darajasiga ega bo'lgan ikki va ko'p tomonlama diplomatiyada katta tajribaga ega. 2011 yilda BMTOTOIKga qo'shilishidan oldin u Rossiya Federatsiyasining BMTOTOIKdagi doimiy vakilining o'rinbosari bo'lgan. Siyosatshunoslik fanlari nomzodi.
Ryszard Komenda

Ryszard Komenda

BMTIQOKB
Markaziy Osiyo bo‘yicha mintaqaviy vakili
Janob Komenda BMT Inson huquqlari bo‘yicha oliy komissari boshqarmasi Markaziy Osiyodagi mintaqaviy bo‘limining mintaqaviy vakili lavozimini 2016-yil mayida egalladi. Bundan oldin BMTning Rossiya Federatsiyasidagi mamlakat jamoasida inson huquqi bo‘yicha katta maslahatchi bo‘lib ishlagan. Uning professional majburiyatlari sirasiga Kanadaning Qizil xoch jamiyati, BMTning Ayollar jamg‘armasi (UNIFEM), Kanadaning federal tashqi ishlar vazirligi, Kanadaning xalqaro rivojlanish agentligida ishlash va BMTning tinklikparvar amaliyotlarida qatnashish kiradi. Boshqa ishlari qatorida u 2007 -yildan 2009-yilgacha Abxaziyada BMTning Gruziya bo‘yicha kuzatuv missiyasida (UNOMIG) inson huquqlari bo‘yicha boshqarma boshlig‘i ham bo‘lgan. Janob Komenda xalqaro inson huquqlari sohasida huquq magistri darajasi (LL.M.) (Ottava universiteti, Kanada) va yurisprudensiya magistri (Gdansk universiteti, Polsha) darajasiga ega yurist – huquq himoyachisidir.
Sanjarbek Toshbaev

Sanjarbek Toshbaev

MBXT
Ofis rahbari
Janob Toshbaev 2015-yil BMTning migratsiya masalalari bo‘yicha agentligi – Xalqaro migratsiya tashkilotida faoliyat boshlashidan avval BMTTD ma’murlik qilgan “Parlamentarizmni rivojlantirish” loyihasida ishlagan. Undan oldin esa O‘zbekiston Respublikasining inson huquqlari milliy markazida (2005 – 2011) va O‘zbekiston agrolizing kompaniyasida maslahatchi huquqshunos (2002 – 2005) bo‘lib ishlagan. U Buyuk Britaniyaning Tissayd universitetida omixta tadqiqotlar (huquq, siyosat va iqtisodiyot) sohasida bakalavr darajasini, Toshkent davlat yuridik universitetida huquq sohasida magistr darajasini va Toshkent shahridagi Davlat boshqaruvi akademiyasida xalqaro munosabatlar sohasida magistr darajasini olgan.
UN Women Ulzi

Ulziysuren Jamsran

BMT Ayollari
Qirg'izistondagi vakili, O'zbekiston va Tojikistonni nazorat qiladi
 
Jamsran xonim Qirg'iziston, Moldova, Ukraina va Qozog'istonda BMTning Taraqqiyot dasturi, UNIFEM va "BMT-Ayollari"da gender va ayollar masalalari bo'yicha xalqaro rivojlanish, strategik va boshqaruvchi yetakchilik sohasida 20 yildan ortiq tajribaga ega. U Moldova va Falastinda "BMT-Ayollari" bo'yicha mamlakatdagi vakolatxonasini boshqargan, shuningdek Moldova va Ukrainada BMTning gender bo'yicha maslahatchisi, Olmaotada mintaqaviy boshqaruv bo'yicha mutaxassis, Qirg'iziston va Ukrainada qishloq rivojlanish bo'yicha katta mutaxassis va ijtimoiy rivojlanish bo'yicha maslahatchisi, shuningdek, Mo'g'ulistonda qashshoqlikni kamaytirish bo'yicha mutaxassis bo'lgan. U "BMT-Ayollari''da ijtimoiy innovatsiyalarning faol targ'ibotchilaridan biridir.
Viorel Gutu

Viorel Gutu

FAO
Markaziy Osiyo uchun kichik mintaqavyi muvofiqlashtiruvchi
Janob Gutu FAOning Markaziy Osiyodagi kichik mintaqaviy muvofiqlashtiruvchisi hamda FAOning Turkiya va O‘zbekistondagi vakili vazifalarini bajarmoqda. U FAO tarkibida 2014-yilda ushbu tashkilotning Tojikistondagi vakolatxonasi rahbari sifatida ish boshlagan hamda mamalkat bo‘limining milliy hukumat va asosiy donorlar, jumladan, Yevropa Ittifoqi va Yaponiyaning xalqaro hamkorlik agentligi bilan samarali munosabatlar o‘rnatishiga rahbarlik qilgan. Shuningdek, u Sharqiy Timordagi Birlashgan Millatlar Tashkilotining muvaqqat ma’muriyatida iqtisodiy masalalar bo‘yicha mutaxassis bo‘lib ishlagan, o‘sha yerda tinchlikparvarlik amaliyotlari, qashshoqlikka qarshi kurash va favqulodda vaziyatlarning oldini olish bilan shug‘ullangan. Janob Gutu iqtisod fanlari doktori ilmiy darajasiga ega.
Khayrulla ITC

Xayrulla Mashrabov

XSM
Loyiha bo'yicha milliy koordinator
 
Janob Mashrabov texnik yordam, xususiy sektorni rivojlantirish, tijorat banklari va jamiyatni rivojlantirish bo'yicha 17 yildan ortiq tajribaga ega. Hozirda u XSMning Markaziy Osiyodagi savdo-sotiqga tayyorligi (R4TCA) loyihasini boshqaradi. Ilgari u Navoiy viloyatidagi nasos stantsiyalarini rekonstruktsiya qilish bo'yicha loyiha menejeri va O'zbekistonning turli xil rivojlanish loyihalari bo'yicha USAID dastur menejeri sifatida ishlagan. Janob Mashrabov Farg'ona davlat universitetining Xalqaro iqtisodiy aloqalar bo'yicha bakalavr darajasiga ega.
Jacek UNIDO

Yasek Kukrovski

BMTSRT
Yevropa va Markaziy Osiyo mintaqaviy muvofiqlashtirish bo'limi rahbari
 
Janob Kurkovski Sharqiy Yevropa va Markaziy Osiyoning aksariyat mamlakatlarida maslahat va texnik hamkorlik loyihalarida katta tajribaga ega. Yasek UNIDO shtab-kvartirasida Evropa va Markaziy Osiyo mintaqaviy muvofiqlashtirish bo'linmasiga qo'shilishidan oldin UNIDOning salohiyatni rivojlantirish institutining rahbari bo'lib ishlagan. U ilgari BMTTD bilan Mingyillik rivojlanish maqsadlari bo'yicha maslahatchi va Yevropa va Mustaqil Davlatlar Hamdo'stligi mintaqaviy markazining rahbari sifatida ishlagan. Kompyuter fanlari va iqtisodiyot fanlari nomzodi.