Bizning O'zbekistondagi jamoamiz

Ushbu tayinlovga qadar doktor Sabine Mahl 2019-yil iyunidan 2024-yil mayigacha BMTning Gruziyadagi doimiy koordinatori lavozimida ishlagan.

Sabine Mahl 22 yildan ortiq vaqt davomida xalqaro tashkilotlarda faoliyat olib borgan. Jumladan Indoneziya, Falastin va Qirg'izistonda BMT Ayollar vakolatxonasi rahbari, Janubi-Sharqiy Osiyo davlatlari uyushmasi bilan hamkorlik masalalari boʻyicha maslahatchi vazifasida ishlagan.

2007-2011 yillarda Sabine Mahl Yevropada Xavfsizlik va Hamkorlik Tashkilotini (YXHT) Gaagadagi etnik ozchiliklar bo‘yicha Oliy komissarining sobiq Sovet Ittifoqi mamlakatlarini qamrab oluvchi bo‘limi rahbari/katta maslahatchisi bo‘lgan.

2005-2007 yillarda Qirgʻizistonda YeXHTning Bishkekdagi markazi rahbari oʻrinbosari va ushbu tashkilotning bosh qarorgohida mojarolarning oldini olish markazida Markaziy Osiyo bo‘limi boshlig‘i lavozimida ishlagan.

2001 yil davomida Sabine Mahl YeXHTning Estoniyadagi missiyasi rahbari o‘rinbosari lavozimiga faoliyat olib borgan va 2000 yilda Avstriyaning YXHTga raisligi davrida u Avstriya doimiy vakolatxonasining birinchi kotibi bo‘lgan. U shuningdek, Avstriya Tashqi ishlar vazirligining Siyosiy boʻlimida Janubi-Sharqiy Yevropa boʻlimi boshligʻi, Yevropa Parlamentida, Venadagi uchta turli sudlarda va Kroydon/Londonda oʻqituvchi boʻlib ishlagan.

Sabine Vena universitetida ikkita magistr (huquq va tillar) va huquq fanlari doktori darajasiga ega. Sabine Mahl nemis (ona tili), ingliz, rus va frantsuz tillarini yaxshi biladi. Oilali, ikki o‘g‘li bor.

Fujii xonim BMT Taraqqiyot Dasturida 25 yildan ortiq tajribaga ega, butun dunyoda turli rahbarlik lavozimlarini egallagan. Oʻzbekistonga tayinlanishidan oldin u Maldiv orollaridagi doimiy vakilasi, hamda Vyetnamda, Fijidagi koʻp davlat idorasida (oz ichiga Fiji, Mikroneziya Federativ Davlatlari, Kiribati, Marshall orollari, Nauru, Palau, Tonga, Tuvalu va Vanuatu davlatlarini oladi) va Yamaykada doimiy vakil oʻrinbosari bo’lgan. Uning BMT Taraqqiyot Dasturidagi keng qamrovli faoliyati Sudan, Tokio va Pokistonda ham o’ynagan muhim rollarni o'z ichiga oladi.

Fujii xonim Birlashgan Millatlar Tashkilotining barqaror rivojlanish sohasidagi kun tartibiga sodiqdir. Yatakchi rahbar sifatida u iqlim o‘zgarishi bilan bog‘liq iqtisodiy va ijtimoiy masalalarni hal qilishda, inqirozli va ziddiyatli vaziyatlarda keng ko‘lamli gumanitar yordamni boshqarishda, barcha uchun adolatli va barqaror inson taraqqiyotiga erishish uchun boshqaruv tizimlari bo‘yicha maslahat berishda faol ishtirok etgan.

BMT Taraqqiyot Dasturidagi karyerasidan oldin Fujii xonim turli rivojlanish tashkilotlarida, jumladan, Venadagi (Avstriya) Birlashgan Millatlar Tashkilotining Sanoatni Rivojlantirish Tashkiloti (UNIDO) va Kiotodagi (Yaponiya) jamoatchilikni rivojlantirish bo‘yicha nodavlat notijorat tashkilotlarida ishlagan. Uning rivojlanish sohasiga sodiqligi erta boshlangan: u hali talaba bo‘lganida, 1995-yilda Kobe shahri yaqinidagi zilzila qurbonlariga ko’ngilli sifatida yordam bergan.

Fujii xonim Buyuk Britaniyaning Sasseks universitetida gender va rivojlanish bo‘yicha, Yaponiyaning Kioto universitetida inson va atrof-muhitni o‘rganish bo‘yicha magistr darajalariga ega.

Fujii xonim O‘zbekistondagi yangi lavozimida barcha uchun adolatli, barqaror va inklyuziv taraqqiyot yo‘lida ishlashni intiqlik bilan kutmoqda.

Doktor Ashina Xalakdina 2023-yil martidan buyon JSST vakili va JSSTning O‘zbekistondagi vakolatxonasi rahbari lavozimida ishlab kelmoqda. U JSST, UNICEF, Xalqaro Taraqqiyot Departamenti (DFID), NNTlar va ilmiy doiralarda 30 yildan ortiq global sog'liqni saqlash sohasidagi tajribasiga ega.

U JSST shtab-kvartirasida va JSST mintaqaviy idoralarida, shuningdek, Osiyo-Tinch okeani va Yevropa mintaqalaridagi bir qancha mamlakatlarda ishlagan.

JSSTda doktor Xalakdina Kambodjada (2018-2023) sog'liqni saqlash sohasidagi favqulodda vaziyatlar bo'yicha guruh rahbari bo'lib ishlagan. JSST bosh qarorgohida chechak kotibiyatini boshqargan va epidemiya va pandemiya kasalliklari bilan shug'ullangan (2015–2018).

U shuningdek JSSTning Hindiston (2014–2015), Turkiya (2011–2013) va Tailanddagi (2010) ofislarida yuqumli kasalliklar guruhlarini boshqargan.

Doktor Xalakdina UNICEF bilan Sharqiy Osiyo va Tinch okeani (2009-2010) va Janubi-Sharqiy Osiyo uchun (2004-2006) JSST bilan mintaqaviy darajada a'zo davlatlarga texnik yordam ko'rsatgan.

Birlashgan Millatlar Tashkilotiga qo'shilishdan oldin u Xalqaro taraqqiyot departamentida (DFID), “PATH” Nodavlat notijorat tashkilotida, San-Fransisko shahar jamoat salomatligi departamentida va Berkli Kaliforniya universitetida tadqiqotchi sifatida turli xil yuqumli kasalliklar yo'nalishi bo'yicha ishlagan.

Doktor Xalakdina Kaliforniya universitetida (Kaliforniya shtati) Berkli universitetida Ph.D (epidemiologiya) va M.P.H (Yuqumli kasalliklar va xalqaro salomatlik) va Florida shtatining Tampa universitetida (AQSh) biokimyo boʻyicha bakalavr darajasiga ega.

Doktor Nigina Abaszade 2023-yil 26-dekabrda BMT Aholishunoslik jamg‘armasining (UNFPA) O‘zbekistondagi vakili va Tojikistondagi vakolatxonasi rahbari lavozimlarida ish boshladi. O’zbekistonda faoliyat boshlashdan oldin Doktor Abaszade 4 yil davomida UNFPAning Moldova Respublikasidagi doimiy vakili va Albaniyadagi vakolatxona rahbari lavozimlarida ishlagan.

Doktor Abaszade UNFPA asosiy yoʻnalishlari boʻyicha, shu jumladan aholishunoslik masalalarini rejalashtirish, reproduktiv huquqlar va gender tengligi sohalarida dasturlarni boshqarish boʻyicha 30 yildan ortiq tajribaga ega. Doktor Abaszade oʻz faoliyatini 2005 yilda Birlashgan Millatlar Tashkilotining Aholishunoslik jamgʻarmasida boshlagan, shuningdek, Ozarbayjon, Afgʻoniston va Sharqiy Yevropa va Markaziy Osiyo mintaqasining 17 davlatini qamrab olgan UNFPAning Istanbuldagi mintaqaviy byurosida mehnat qilgan. O’zini faoliyati davomida, Doktor Abaszade siyosatchilar, xususiy sektor, nodavlat tashkilotlar, ijtimoiy va sog‘liqni saqlash sohasi rahbarlari bilan ayollar va qizlar huquqlarini himoya qilish, jumladan, gumanitar va favqulodda vaziyatlarda himoya qilish uchun yaqindan hamkorlik qildi.

UNFPAda ishlagunga qadar doktor Abaszade davlat va xususiy universitetlarda sog'liqni saqlash bo'yicha tadqiqotchi, dotsent va kafedra mudiri lavozimlarida ishlagan. Doktor Abaszade Shvetsiyaning Linkoping universitetida ijtimoiy psixologiya fanlari nomzodi va gender va bolalar psixologiyasi bo'yicha magistrlik darajasini olgan. Oilali, ikki farzandi bor.

U ingliz, rus va ozarbayjon tillarini biladi.

Kurmanova xonim 2019 yil 2 fevralda Olmaotadagi Markaziy Osiyo vakolatxonasi rahbari sifatida ish boshladi. U rivojlanayotgan mamlakatlarning 21 yillik tajribasi, shu jumladan Qirg'iziston Respublikasi Iqtisodiyot vazirligining davlat kotibi lavozimidagi besh yillik tajribasiga ega. Uning malakasi barqaror iqtisodiy rivojlanish, siyosatni ishlab chiqish, amalga oshirish, monitoring va baholashni o'z ichiga oladi. U hukumatlararo siyosat va protseduralarni ishlab chiqish, yaxlit iqtisodiy o'sish strategiyasini amalga oshirish va xalqaro donorlik siyosati va protseduralarini har tomonlama tushunishda tajribaga ega. Kurmanova xonim Yaponiya Xalqaro Universitetining rivojlanish iqtisodiyoti bo'yicha magistr darajasiga va Qirg'iziston Respublikasi Prezidenti huzuridagi Boshqaruv akademiyasining davlat boshqaruvi bo'yicha MPA darajasiga ega.

Janob Xonxo‘jaev XMT jamoasiga kelib qo‘shilishidan oldin 15 yil davomida xalqaro rivojlanish tashkilotlari bilan yaqindan hamkorlik qilgan. Xususan, u O‘zbekistonda ilk tahlil markazi – Iqtisodiy tadqiqotlar markazini (ITM) tashkil etish va institutsional rivojlantirish bo‘yicha BMTTD va O‘zbekiston hukumatinng qo‘shma loyihasida qatnashgan. Janob Xonxo‘jaev Jahon iqtisodiyoti va diplomatiyasi universitetidan siyosatshanoslik bakalavri va Toshkent davlat iqtisodiyot universitetidan xalqaro iqtisodiyot magistri darajasini olgan.

Maqsudova xonim mehnat faoliyatini 2000-yilda O‘zbekiston Ishbilarmon ayollar uyushmasida boshlagan. 2007-yilda UNAIDS jamoasiga kelib qo‘shildi, 2008-yilda esa dasturning ma’muriy xodimi sifatida ishini davom ettirdi. 2017-yilda O‘zbekistonda UNAIDS ofisi yopilgandan so‘ng ishi Bishkekka ko‘chirildi hamda u Qirg‘iziston va Tojikiston uchun hamjamiyatlarni qo‘llab-quvvatlash va gender masalalari bo‘yicha dastur xodimi etib tayinlandi. Maqsudova xonim 2001-yilda Toshkent davlat iqtisodiyot universitetini bitirgan. U xalqaro iqtisodiy faoliyat bo‘yicha magistrlik darajasi va xalqaro iqtisodiy munosabatlar bo‘yicha bakalavr darajasiga ega.

Endryu Grey 2024-yil sentabr oyida O‘zbekistondagi missiya rahbari etib tayinlandi.

Endryu Xalqaro migratsiya tashkilotida 8 yil davomida himoyaga muhtoj migrantlarni qo‘llab-quvvatlash, migratsiya siyosatini yaxshilash va innovatsion siyosat yechimlarini ishlab chiqish bo‘yicha samarali loyihalarni amalga oshirish bo‘yicha guruhlarni boshqarib, turli xil hukumat va nodavlat manfaatdor tomonlar bilan hamkorlikda ishlagan.

Endryu bundan avval Shri-Lankadagi missiya rahbari o‘rinbosari lavozimida ishlagan va u yerda ayollar va erkaklar ishchilari uchun munosib mehnat sharoitlarini ta’minlashga qaratilgan Osiyodagi ishchi jo‘natuvchi mamlakatlarning muntazam maslahat hamkorligi – Kolombo jarayonini qo‘llab-quvvatlovchi BMTning mehnat migratsiyasi bo‘yicha qo‘shma mintaqaviy dasturini boshqargan. Endryu Sudanda Xalqaro migratsiya tashkilotida ham faoliyat yuritgan.

Xalqaro migratsiya tashkilotida faoliyat olib borishdan oldin Endryu Buyuk Britaniya davlat xizmatida migratsiya masalalari bo‘yicha Buyuk Britaniya, Gonkong, Tailand, Efiopiya va Birlashgan Arab Amirliklarida ishlagan.

Endryu Britaniya fuqarosi boʻlib, tarix, siyosat va huquq boʻyicha ilmiy darajalarga ega.

Endryu Makkey

Birlashgan millatlar tashkilotining Tabiiy ofatlar xavfini kamaytirish (UNDRR) byurosida dastur menejeri

Endryu Birlashgan millatlar tashkilotining Tabiiy ofatlar xavfini kamaytirish boshqarmasida (UNDRR) Yevropa va Markaziy Osiyo mintaqaviy ofisida mamlakatlarni qoʻllab-quvvatlash boʻlimiga rahbarlik qiladi va mintaqadagi “Shaharlarni 2030-yilgacha barqaror qilish” tashabbusining koordinatori hisoblanadi.

Endryu UNDRRda 2018-yildan beri Yevropa va Markaziy Osiyo mintaqasining 55 ta aʼzo mamlakatlarida Tabiiy ofatlar xavfini kamaytirish boʻyicha Senday hadli dasturini amalga oshirish va monitoring qilish orqali milliy va mahalliy darajada barqarorlikni oshirish bo'yicha faoliyat olib borgan. Bundan avval, u Yevropa Komissiyasining Gumanitar yordam va fuqarolik muhofazasi bo'yicha Bosh direktoratida (ECHO), shuningdek, ushbu tashkilotning akademiyasida ishlagan.

Endryu London Qirollik kollejida O‘rta yer dengizi tadqiqotlari bo‘yicha magistr va Birmingem universitetida xalqaro tadqiqotlar bo‘yicha bakalavr darajasiga ega.

Janob Gutu FAO Bosh direktorining yordamchisi. Bu tayinlanishgacha u FAOning Markaziy Osiyo boʻyicha submintaqaviy koordinatori hamda FAOning Turkiya va Oʻzbekistondagi vakili lavozimlarida ishlagan.U FAO tarkibida 2014-yilda ushbu tashkilotning Tojikistondagi vakolatxonasi rahbari sifatida ish boshlagan hamda mamalkat bo‘limining milliy hukumat va asosiy donorlar, jumladan, Yevropa Ittifoqi va Yaponiyaning xalqaro hamkorlik agentligi bilan samarali munosabatlar o‘rnatishiga rahbarlik qilgan. Shuningdek, u Sharqiy Timordagi Birlashgan Millatlar Tashkilotining muvaqqat ma’muriyatida iqtisodiy masalalar bo‘yicha mutaxassis bo‘lib ishlagan, o‘sha yerda tinchlikparvarlik amaliyotlari, qashshoqlikka qarshi kurash va favqulodda vaziyatlarning oldini olish bilan shug‘ullangan. Janob Gutu iqtisod fanlari doktori ilmiy darajasiga ega.

Fon Groot xonim BMT, hukumatlararo va nohukumat sektorlarida 20 yillik tajribaga va rahbarlikka ega. U Gruziya, Armaniston, Liberiya / G'arbiy Afrika, Iroqda va Venada va Nyu-Yorkdagi shtab-kvartirada ishlagan, rivojlanish, gumanitar va sheriklik loyihalarining keng portfelini boshqargan. Uels universiteti xalqaro siyosat iqtisodiyoti magistri va Dublin shahridagi Trinity kollejining tarix va rus tillari bo'yicha bakalavr darajasiga ega.

Janob Rodde Birlashgan Millatlar Tashkilotining Savdo-sotiq va rivojlanish bo‘yicha komissiyasi (UNCTAD) Jenevadagi shtab-kvartirasida 15 yildan ortiq tajribaga ega bo'lib, BMT tizimining izchillik islohoti doirasida idoralararo hamkorlikka e'tibor qaratgan. Avvalgi tajribasi Xalqaro savdo markazi (UNCTAD / WTO) va Evropa Iqtisodiy Komissiyasini (UNECE) ham o'z ichiga oladi. U Parijdagi Sorbonna Universitetining Xalqaro aloqalar bo'yicha diplomiga ega.

Laura Mattioli (2023-yil 31-iyul) Qishloq xo‘jaligini rivojlantirish xalqaro jamg‘armasining O‘zbekistondagi vakolatxonasi direktori lavozimiga tayinlanishidan oldin Shotlandiya hukumatini Tashqi aloqalar bo‘shaqarmasida Iqlim va energetika bo‘yicha tashqi aloqalar bo‘limi boshlig‘i lavozimida faoliyat yuritgan.

Laura Mattioli shuningdek, Buyuk Britaniya Tashqi ishlar vazirligining Gumanitar va migratsiya masalalari departamentida katta maslahatchi lavozimida ham ishlagan.

Laura Turin universitetini barqaror rivojlanish va hududni boshqarish bo‘yicha magistr darajasiga ega va Gordon universitetini iqtisod bo‘yicha magistr darajasiga ega.

Matilda Bogner BMT tizimida 2006 yildan beri ishlaydi. Bogner xonim Markaziy Osiyoga kelishidan oldin 4 yil davomida BMTning Ukrainadagi Inson huquqlari monitoringi missiyasini boshqargan.

Bundan oldin u Birlashgan Millatlar Tashkilotining Inson huquqlari bo‘yicha Oliy komissari boshqarmasining Tinch okeani mintaqasi va Janubi-Sharqiy Osiyodagi mintaqaviy idoralarini ham boshqargan. U, shuningdek, Birlashgan Millatlar Tashkilotining Liviyadagi qoʻllab-quvvatlash missiyasining Inson huquqlari, oʻtish davri adolati va qonun ustuvorligi boʻlimiga rahbarlik qilgan va BMTning Belarusdagi inson huquqlari boʻyicha katta maslahatchisi boʻlgan.

Bungacha u Yevropa va Markaziy Osiyo mintaqasida to‘qqiz yil inson huquqlari bo‘yicha ishlagan va rus tilini yaxshi biladi. U yuridik ma'lumotga ega va Avstraliyada jinoiy ishlar bo'yicha advokat bo'lib ishlagan.

Janob Pomoshchnikov Favqulodda va muxtor elchi (ikkinchi darajali) diplomatik darajasiga ega bo'lgan ikki va ko'p tomonlama diplomatiyada katta tajribaga ega. 2011 yilda BMTOTOIKga qo'shilishidan oldin u Rossiya Federatsiyasining BMTOTOIKdagi doimiy vakilining o'rinbosari bo'lgan. Siyosatshunoslik fanlari nomzodi.

2022-yil iyun oyida YuNESKOning O‘zbekistondagi vakili etib tayinlangan Sara Noshadi turli lavozimlarda 15 yildan ortiq xalqaro tajribaga ega.
2018 yildan 2022 yilgacha u YuNESKO Bosh direktori idorasida “Mosul ruhini jonlantirish” tashabbusining katta koordinatori lavozimida ishlagan.
2012 yildan 2018 yilgacha YuNESKOning Afg‘onistondagi vakolatxonasida ishlagan. Bu yillar davomida u boshqa vazifalar qatorida Afgʻonistonning madaniyat va bunyodkorlik iqtisodiyoti milliy dasturining yaratilishini ham boshqargan. Sara Noshadi 2010 yilda Jahon merosi markazi bilan YuNESKOga qo'shilgan.
BMTdagi faoliyatidan oldin, 2005 yildan 2008 yilgacha u Frantsiya milliy ilmiy tadqiqot markazi tomonidan boshqariladigan Franko-Eron antropologik dasturining koordinatori bo'lgan.
Sara Noshadi Fransiyaning Jan Monne universitetida Madaniy merosni boshqarish bo‘yicha magistr va Tehron universitetida antropologiya bo‘yicha magistr darajasiga ega.

2023-yil 25-aprelda Seren Guven Gures BMT Ayollar dasturi O‘zbekistondagi menejeri etib tayinlandi.

Seren Guven Güres tinchlikparvarlik, gumanitar va rivojlanish dasturlarini boshqarish va hamkorlikni o'rnatish bo'yicha 15 yillik professional tajribaga ega.

O‘zbekistonga tayinlanishidan oldin u 2021-yil oktabr oyida BMT Ayollar tashkilotiga Dastur mutaxassisi sifatida qo‘shilganidan so‘ng 2022-yil may oyidan boshlab BMTning Yevropa va Markaziy Osiyodagi BMT Ayollar bo‘yicha strategik rejalashtiruvchisi va muvofiqlashtiruvchisi bo‘lib ishlagan.

U YUNISEFning qator vakolatxonalarida, jumladan Turkiya va Germaniyada ishlagan. Shuningdek, u Yevropa Kengashi, Yevropa Patent idorasi va UNICEFning Germaniya milliy qo‘mitasida ishlagan.

Seren G'ozi universitetida biznes boshqaruvi bo'yicha PhD va liderlik va o'zgarishlarni boshqarish bo'yicha ikkita magistr darajasiga ega.

Turkiya va Germaniya fuqarosi bo'lgan Seren turk, nemis va ingliz tillarini yaxshi biladi. Turmushga chiqqan, bir qizi bor.