Biz bilan bog'lanish

Taras Shevchenko ko'chasi, 4-uy, Toshkent 100029, O'zbekiston
Tel: +998 78 120 34 50
Faks:+998 78 120 34 85
Ish vaqti: 9.00 - 18.00 (dushanba - juma)

Oʻzbekistondagi Birlashgan Millatlar Tashkiloti vakolatxonasi bilan bogʻlanishdan oldin: muhim maʼlumot

Birlashgan Millatlar Tashkiloti (BMT) Oʻzbekistondagi vakolatxonasiga har yili juda koʻp shikoyatlar va murojaatlar kelib tushadi. Ularning koʻpchiligi BMT vakolatiga kirmaydigan masalalarga taalluqlidir. Shaffoflik va barchaga teng imkoniyat yaratish uchun, iltimos, biz bilan bogʻlanishdan oldin quyidagi maʼlumotni diqqat bilan oʻqing chiqing.

BMT vakolatxonasi bilan qanday bogʻlanish mumkin

BMT vakolatxonasi murojaatlarni asosan telefon orqali qabul qiladi.
Maxsus telefon liniyasi har chorshanba kuni soat 14:00dan 17:00gacha ishlaydi.
Telefon raqami: +998 78 120 34 50
Ushbu vaqt oraligʻidan tashqari qoʻngʻiroqlarga javob berilmaydi.

Yozma murojaatlar

Yozma murojaatlar faqat istisno holatlarda, telefon orqali bogʻlana olmaydigan shaxslardan qabul qilinadi, masalan: hibsda yoki qamoqda boʻlgan shaxslar; yopiq muassasalardagi shaxslar; shunga oʻxshash vaziyatdagi shaxslar. Iltimos, sizdan soʻralmaguncha hujjatlarning asl nusxalari yoki ko‘chirmalarini ilova qilmang. Imkon boʻlsa, sizning roziligingiz bilan BMT vakili bogʻlanishi mumkin boʻlgan shaxslarning (masalan, advokatlar, oila aʼzolari) telefon raqamlarini ham ko‘rsatib o‘ting.

BMT vakolatxonasiga ko‘p kelib tushadigan masalalar

Odamlar ko‘pincha BMT vakolatxonasiga sud qarorlari yoki davom etayotgan sud jarayonlari; mehnat nizolari; jinoyat ishlari; uy-joy, yer yoki mulk bilan bogʻliq nizolar; ichki jarayonlarga bevosita aralashish yoki shikoyatni prezidentga yuborish soʻrovlari bilan murojaat qilishadi. Ko‘p hollarda BMT bunday masalalarda yordam bera olmaydi, chunki bunday masalalar milliy sudlar yoki davlat organlari tomonidan ko‘rib chiqilishi kerak. BMT huquqni muhofaza qiluvchi organ yoki sud emas va qarorlarni bekor qila olmaydi yoki ichki jarayonlarga bevosita aralasha olmaydi.

BMT nimalarni ko‘rib chiqishi mumkin

BMT faqat cheklangan mavzudagi holatlarni ko‘rib chiqadi va bu asosan quyidagi hollar: milliy himoya vositalari allaqachon qoʻllanilgan boʻlsa (masalan, sudlar yoki boshqa shikoyat maxanizmlari); masala inson huquqlari bilan bogʻliq jiddiy muammolarni qamrab olsa (masalan, hayot va/yoki sogʻliqqa tahdid soluvchi vaziyatlar); vaziyat tizimli, takrorlanuvchi boʻlsa yoki ko‘plab shaxslarga taʼsir etsa; ish ayniqsa himoyaga muhtoj shaxslar bilan bogʻliq boʻlsa (masalan, mahbuslar, oilaviy zoʻravonlikdan jabrlanganlar shaxslar). Bunday hollarda BMT vakolatxonasi quyidagilarni taqdim etishi mumkin: xalqaro inson huquqlari standartlari bo‘yicha umumiy tavsiyalar, tegishli milliy yoki xalqaro mexanizmlar haqida maʼlumot; zarur hollarda — tegishli BMT mexanizmlari yoki hamkorlarga yoʻnaltirishi mumkin.

Dastlabki aloqa va uchrashuvlar

Dastlabki aloqa odatda telefon orqali amalga oshiriladi. Qoʻngʻiroqdan soʻng BMT xodimi dastlabki baholash oʻtkazadi. Aniq kelishilgan uchrashuvsiz BMT vakolatxonasiga kelmang. Oldindan kelishilmagan tashriflar qabul qilinmaydi.

Milliy huquqni himoya qilish mexanizmlaridan foydalanish

BMT vakolatxonasiga murojaat qilishdan oldin siz tegishli milliy organlarga murojaat qilgan boʻlishingiz kerak, masalan: sudlar; prokuratura organlari; Ombudsman yoki boshqa shikoyat mexanizmlari. Agar bu amalga oshirilmagan boʻlsa, odatda BMT vakolatxonasi yordam bera olmaydi.