Birlashgan millatlar tashkiloti Mamlakat jamoasi Inson huquqlari qo'mitasining hisobot tadbirida O'zbekiston hukumati bilan mazmunli hamkorligini mamnuniyat bilan e’tirof etadi

Biz Inson huquqlari qo'mitasi yaqinda e’lon qilgan hisobotda O'zbekiston hukumati bilan bo’lgan muloqotni mamnuniyat bilan e’tirof etamiz. BMT mamlakat jamoasi nomidan ushbu parlament suhbatiga qo'shilish imkoniyati berilganidan juda xursandman.

Bundan tashqari, Qo'mita tomonidan e’tirof etilgan BMT Mamlakat jamoasi va hukumat o'rtasidagi keng qamrovli mustahkam hamkorlikni, jumladan, bolalar mehnati va majburiy mehnatga barham berish, sud mustaqilligini oshirish, ombudsman salohiyatini yuksaltirish, gender tengligini ta’minlash va ayollarga nisbatan zo'ravonlikning oldini olish uchun yangi qonunchilik bazasini yaratish va korrupsiyaga qarshi kurashni kuchaytirish sohasidagi izchillikni alohida ta’kidlamoqchiman. BMTTD, Inson huquqlari bo'yicha Oliy komissarboshqarmasi, BMTning Giyohvand moddalar va jinoyatchilik bo'yicha boshqarmasi, Xalqaromehnat tashkiloti, BMTning Aholishunoslik jamg'armasi, UNICEF va boshqalar bu ishniqo'llab-quvvatlashda muhim rol o'ynadilar.

Shuningdek, men COVID-19 pandemiyasi davrida inson huquqlarini himoya qilish borasidamahalliy guruhlar bilan olib borilayotgan hamkorlikni alohida e'tirof etishni istardim.

Xonimlar va janoblar, Qo'mita milliy qonunchilikda yangi me'yoriy hujjatlarni qabul qilish yokiqayta ko'rib chiqishni hamda inson huquqlari bo'yicha xalqaro mezonlar va standartlargamuvofiqlashtirishni talab qiladigan bir necha muhim yo'nalishlarni o’rganib chiqdi.

Ushbu ustuvor vazifalar orasidan bir nechtasini keltirib o'tmoqchiman:

• Qo'mita tomonidan bildirilgan barcha kutilayotgan fikrlar, shu jumladan Ixtiyoriy protokolning (alohida shikoyatlar) amalga oshirilishini ta'minlash uchun zarur choralarni ko'rish muhimligi;
• Xalqaro standartlarga muvofiqlikni ta'minlash uchun yaqinda qabul qilingan korrupsiyaga qarshi qonunchilikni qayta ko'rib chiqish zaruriyati;
• Davlat va xususiy sektorning barcha sohalarida kamsitishni taqiqlovchi keng qamrovli qonunchilik zarurligi;
• Ayollarni zo'ravonlikdan himoya qilishning qonunchilik bazasini mustahkamlash, xususan, oiladagi zo'ravonlikni aniq jinoiy javobgarlikka tortish yo'li bilan tizimni kuchaytirish zarurligi;
• Jamoatchilik erkinligi huquqining mavjud bo'lgan cheklovlarini hal etish zaruriyati (Nodavlat va notijorat tashkilotlarini ro'yxatdan o'tkazish va ularning faoliyati to'g'risidagi nizom).
• Ekstremizmga qarshi milliy qonunchilikni qayta ko'rib chiqish va uni inson huquqlari bo'yicha xalqaro standartlarga to'liq muvofiqlashtirish zaruriyati;
• So'z erkinligini asossiz ravishda cheklaydigan ommaviy kommunikatsiya, axborot texnologiyalari va internetdan foydalanish bo'yicha amaldagi qoidalarni qayta ko'rib chiqish zaruriyati;
• Saylovda qatnashish huquqi bo'yicha milliy qonunchilik tomonidan belgilangan ortiqcha cheklovlarni hal etish zaruriyati;
• Jinoyat kodeksining 120-moddasini bekor qilish, zo'ravonlik va jinsiy kelib chiqishga ko’ra kamsitishlarning oldini olish choralarini ko'rish zaruriyati;
• Xalqaro standartlarga javob beradigan boshpana berish tizimining ahamiyati.

BMT Mamlakat jamoasi ushbu yo'nalishlarning bir nechtasida hukumatni qo'llab-quvvatlab kelmoqda va biz bu borada o'zaro hamkorlikni kengaytirishga tayyormiz.

Xulosa qilib aytganda, BMT Qo'mitaning tavsiyalari inson huquqlarini ta’minlash, ularning yashash sharoitlarini yaxshilash, davlat va fuqarolik jamiyatini mustahkamlash bo'yicha xalqaro majburiyatlarni bajarish uchun kerakli asosni yaratadi, deb hisoblaydi.

Biz hukumatni Qo'mitaning tavsiyalari bo'yicha qat'iy harakatlar rejasini ishlab chiqish va amalga oshirishda qo'llab-quvvatlashga tayyormiz hamda bu ishning amalga oshishida Oliy Majlisning hal qiluvchi rolini e’tirof etamiz.

Fuqarolik jamiyatini yanada kuchaytirish, xususan, nodavlat notijorat tashkilotlarga oid amaldagi qonunchilikni xalqaro standartlarga mos ravishda o'zgartirish muhimligini ham e’tirof etib o’tamiz.

Shuningdek, biz inson huquqlari milliy dasturi bo'yicha olib borilayotgan hamkorlikni yuqori baholaymiz hamda xalqaro hamjamiyat va mustaqil fuqarolik institutlaridan tomonidan berilgan tavsiyalarni yakuniy hujjatga kiritilishini kutib qolamiz.

E'tiboringiz uchun rahmat!