BMT qochoqlar ishlari bo‘yicha oliy komissari boshqarmasi qochoqlar bilan bog‘liq favqulodda vaziyatlarga tayyorgarlik ko‘rish tadbirlari doirasida Termiz markazidan Tojikistonga gumanitar yuk jo‘natdi

Gumanitar yuklarning birinchi jo‘natmasiga 20 tonnaga yaqin qochoqlar uchun turar joy birliklari kiradi, bu esa Tojikistonga yetkazish uchun tayyorlangan umumiy partiyaning bir qismidir, masalan, oilaviy chodirlar, yotoq to‘shaklari, oshxona jihozlari, polietilen plyonka  va boshqa asosiy yordam buyumlari. 2021-yilning noyabr-dekabr oylarida Termizga havo va quruqlik orqali yetkazilgan ushbu yuklar hozirda muhim yordamni zaxiralash uchun Tojikistonga olib ketilmoqda, bu esa BMT Qochoqlar ishlari bo‘yicha Oliy komissari boshqarmasi va uning hukumat hamkorlariga tezkorlik bilan javob qaytarish va eng zarur bo‘lganda gumanitar yordam ko‘rsatish imkonini beradi.

“Tojikistonda insonparvarlik jamiyati BMT Qochoqlar ishlari bo‘yicha Oliy komissari boshqarmasi muvofiqlashtirish doirasida hukumatni favqulodda vaziyatlarga tayyorgarligi va javob choralarini kuchaytirishda qo‘llab-quvvatlamoqda. BMTning Qochoqlar ishlari bo‘yicha Oliy komissari boshqarmasining Termizdagi markazidan Tojikistonga yuborilgan bu birinchi gumanitar yuk bunga misoldir. BMT QOKB Tojikistondagi 30 dan ortiq milliy va xalqaro gumanitar va rivojlanish agentliklarini birlashtirgan Qochoqlarni muvofiqlashtirish modeli orqali hukumatga qo‘shimcha yordam ko‘rsatish majburiyatini oladi. BMT qochoqlar ishlari bo‘yicha oliy komissari boshqarmasi, shuningdek, donorlarning, xususan, Yaponiya hukumati va Yevropa Ittifoqining doimiy qo‘llab-quvvatlanishini qadrlaydi”, dedi BMT QOKBining Tojikistondagi vakili Mulugeta Zevdi.

Ushbu insonparvarlik yordami Yaponiya hukumatining 700 000 AQSh dollari miqdoridagi saxiy hissasi va 500 000 yevro miqdorida ajratgan Yevropa Ittifoqi fuqarolik muhofazasi va insonparvarlik yordami tufayli amalga oshirildi.

Yuklar O‘zbekiston hukumati ko‘magida 2021-yil oktabr oyida Termiz yuk markazida tashkil etilgan BMT Qochoqlar ishlari bo‘yicha Oliy komissarligining gumanitar markazidan jo‘natildi. Termiz yuk tashish markazi Afg‘onistondagi vaziyatdan jabrlangan Afg‘oniston, Eron va Markaziy Osiyo mintaqasiga asosiy yordam buyumlarini oldindan joylashtirish va tezkor yetkazib berishni yaxshilash uchun logistika va favqulodda vaziyatlarga javob berish markazi hisoblanadi. Markaz mahalliy zahiralarni tez to‘ldirish va har bir operatsiyada katta zaxiralarni saqlash bilan bog‘liq xarajatlar va xatarlarni kamaytirish orqali BMT QOQBning faolligini oshiradi.